राष्ट्रीय सेवा योजनेच्या माध्यमातून विद्यार्थ्यांनी दिला स्वच्छतेचा संदेश.

प्रतिनिधी : प्रा. प्रविण ताजणे ( सर ) सावित्रीबाई फुले पुणे विद्यापीठ,पुणे राष्ट्रीय सेवा योजना व समर्थ रुरल एज्युकेशनल इन्स्टिट्यूट संचलित ...

प्रतिनिधी : प्रा. प्रविण ताजणे ( सर )

सावित्रीबाई फुले पुणे विद्यापीठ,पुणे राष्ट्रीय सेवा योजना व समर्थ रुरल एज्युकेशनल इन्स्टिट्यूट संचलित समर्थ कॉलेज ऑफ इंजिनियरिंग अँड मॅनेजमेंट बेल्हे आणि जुन्नर पर्यटन विकास संस्था यांच्या संयुक्त विद्यमाने आयोजित जिल्हास्तरीय एकदिवशीय विशेष शिबिर-ऐतिहासिक स्थळे दत्तक योजना अंतर्गत ऐतिहासिक स्थळे संवर्धन कार्यशाळा नारायणगड येथे आयोजित करण्यात आली होती.

स्वच्छता हीच निरोगी आणि समृद्ध जीवनाची पहिली पायरी असून विद्यार्थ्यांनी स्वच्छतेचा संदेश जनमानसात रुजवण्यासाठी प्रयत्न करावेत.हातात झाडू,खराटे,टिकाव,खोरी,कुदळ,घमेले,चुन्याचा रंग इ.प्रकारची साधनसामग्री बरोबर घेऊन पायथ्यापासून ते हस्तमाता मंदिरापर्यंत सर्व परिसर स्वच्छ करण्यात आला.स्वच्छतेबरोबरच नैसर्गिक सौंदर्याचा आस्वाद घेत विविध प्रकारच्या वनस्पतींची माहिती देखील घ्यायला हे विद्यार्थी विसरले नाहीत.सांबरकांड,गंधार,कडुनिंब,टाखळ,निलगिरी,सुबाभूळ,बोरी,लळई,धावडा,मोराई,पिठवणी,मोहाची झाडे,सीताफळ,आपटा,अंजन,आवळा,आंबा,बेहडा,चंदन,चिंच,हिरडा,जांभूळ,तरवड,रानझेंडू,अडुळसा,दंती,घाणेरी,कोरफड,हिंगनबेट,करवंद,बेल,कवठ,करावी,येलतुरा,वड, फ्रेरिया इंडिया त्याचप्रमाणे नारायणगडावरील प्रसिद्ध मानली जाणारी दुधकुडा ही वनस्पती मोठया प्रमाणात या ठिकाणी आढळते.विविध प्रकारचे पक्षी,कीटक फुले,फळे यांचा खजिनाच या गडावर आहे.काही अंशी विषारी आणि बिनविषारी साप देखील आढळून येतात.सुंदर परिसर हाच आमचा ध्यास आणि त्यासाठी आम्ही सदैव कटिबद्ध राहू अशी घोषणा देत गड,किल्ले आणि दुर्ग ही राष्ट्राची संपत्ती जतन करण्यासाठी पुढाकार घेऊन त्याचा वारसा पुढे चालवू असे रासेयो शिबिरार्थींनी यावेळी दाखवून दिले.पाण्याच्या टाक्यांमधील शेवाळ,गाळ,माती आणि आजूबाजूचे गवत काढून टाक्यांची स्वच्छता विद्यार्थ्यांनी केली.नारायणगडचा इतिहास आणि ऐतिहासिक ठेवा सर्वांना माहीत करून देण्यासाठी दरवर्षी या गडावर येऊन स्वच्छता मोहीम राबवणार असल्याची माहिती राष्ट्रीय सेवा योजना कार्यक्रम अधिकारी प्रा.भूषण दिघे यांनी दिली.

या कार्यशाळेमध्ये जिल्ह्यातून ५० रा से यो शिबिरार्थी सहभागी झाले होते. 

यावेळी सकाळ चे पत्रकार अशोक खरात,जुन्नर तालुका पर्यटन विकास संस्थेचे यश मस्करे,विठ्ठल रुक्मिणी धर्मादाय प्रतिष्ठान चे अध्यक्ष भालचंद्र वामन,खोडद गावचे माजी सरपंच विश्वास काळे,आदर्श शिक्षक अंबादास वामन,ग्रामविकास मंडळ खोडद चे अध्यक्ष रवींद्र वामन,स्थानिक रहिवासी-ग्रामस्थ,समर्थ अभियांत्रिकी महाविद्यालयाचे प्रशासकीय अधिकारी प्रा.प्रदीप गाडेकर,रासेयो कार्यक्रम अधिकारी प्रा.भूषण दिघे,प्रा.अश्विनी खटिंग,प्रा.सोमनाथ गाडेकर,प्रा.निलेश नागरे आदी मान्यवर उपस्थित होते.