क्राईमनामा Live : सरपंचावर कोयत्याने वार करुन खून करणारे तिघे अटकेत; पाहा नावे...

पिं परी-चिंचवडः   मौजे शिरगाव (ता. मावळ , जि. पुणे) येथे प्रती शिर्डी मंदिरासमोर गावचे सरपंचावर कोयत्याने वार करुन पळून गेलेले आरोपींना अट...

पिंपरी-चिंचवडः मौजे शिरगाव (ता. मावळ, जि. पुणे) येथे प्रती शिर्डी मंदिरासमोर गावचे सरपंचावर कोयत्याने वार करुन पळून गेलेले आरोपींना अटक करण्यात शिरगाव परंदवडी पोलिसांना यश आले आहे.

याबाबतचा पुढील तपास पोलिस करत आहेत.

शिरगाव परंदवडी पोलिस स्टेशन हद्दीमधील मौजे शिरगाव, प्रति शिर्डी मंदिराचे समोर रोडवर (ता. मावळ, जि. पुणे) येथे गावचे सरंपच प्रविण साहेबराव गोपाळे (रा शिरगाव, ता. मावळ जि. पुणे) हे मंदिराचे समोर यांचे मोटार सायकल वर बसलेले असताना गाडीवर ०३ अज्ञातांनी येवून त्यांच्यावर धार धार कोयत्याने वार करुन निर्घृण खून करुन मोटार सायकलवरून फरार झाले होते. शिरगाव परंदवडी पोलिस स्टेशन गु. रं. नं. ९६ / २०२३ भादवी ३०२, १२० (ब), ३४ प्रमाणे दिनांक ०१/०४/२०२३ रोजी गुन्हा दाखल आहे.

सदर गुन्हयाचा अधिक तपास वरिष्ठ पोलिस निरीक्षक वनिता धुमाळ यांचे मार्गदर्शनाखाली शिरगाव परंदवडी पोलिस स्टेशन येथे नेमणुकीस असलेले पोउपनि गाडीलकर, पोहवा/४७१ टी. सी. साबळे, पोना/ १२३१ एस. बी. घाडगे पोना / १२५० वाय. जे. नागरगोजे, पोअंम/२२४१ एस. एल. फडतरे व पोअंम/२५७६ डी व्ही राठोड यांनी सुरु केला होता. वपोनि वनिता धुमाळ यांना त्यांचे गुप्त बातमी दारा मार्फत माहिती मिळाली कि, सदर गुन्हयातील आरोपी हे हिंजवडी कासारसाई रोडला

डोंगराचे बाजूला थांबलेले आहेत. सदर ठिकाणी पोउपनि गाडीलकर पोहवा/४७१ टी.सी. साबळे, पोना/१२३१ एस. बी. घाडगे, पोना / १२५० वाय. जे. नागरगोजे, पोअंम/२२४१ एस.एल.फडतरे व पोअंम/२५७६ डी. व्ही. राठोड यांनी जावून सापळा रचला. अतिशय शिताफिने यातील लपून बसलेल्या ठिकाणावरुण एकुण ०३ जनांना ताब्यात घेतले. त्यांचेकडे चौकशी करुन त्यांना गुन्हयामध्ये अटक केली आहे. अटक केलेल्या आरोपींची नामे पुढीलप्रमाणेः

१) विशाल ऊर्फ किरण सुनिल गायकवाड वय २५ वर्षे, रा. शिरगाव, ता. मावळ, जि. पुणे

२) संदिप ऊर्फ अण्णा छगन गोपाळे वय ३१ वर्षे, रा शिरगाव, ता मावळ, जि पुणे

३) ऋतिक शिवाजी गोपाळे वय २२ वर्षे, रा शिरगाव, ता मावळ, जि पुणे यांना अटक करण्यात आली आहे. सदर गुन्हयाचा अधिक तपास वरिष्ट पोलिस निरीक्षक वनिता धुमाळ या करत आहेत.

सदरची कारवाई पिंपरी चिंचवड पोलिस आयुक्त विनयकुमार चौबे, सह. पोलिस आयुक्त मनोजकुमार लोहिया, अपर पोलिस आयुक्त डॉ. संजय शिंदे, पोलिस उप आयुक्त डॉ. काकासाहेब डोळे, सहा. पोलिस आयुक्त, देहुरोड विभाग, पद्माकर घनवट यांच्या मार्गदर्शनाखाली वरिष्ठ पोलिस निरीक्षक शिरगाव परंदवडी पो.स्टे. वनिता एस धुमाळ, पोउपनि गाडीलकर, पोहवा / ४७१ टी. सी. साबळे, पोना / १२३१ एस. बी. घाडगे पोना/१२५० वाय. जे. नागरगोजे, पोअंम / २२४१ एस. एल. फडतरे व पोअंम / २५७६ डी व्ही राठोड यांनी केली आहे.