क्राईमनामा Live : मोठी बातमी! शिरूर न्यायालयाच्या परिसरात गोळीबार...

  पुणेः   शिरूर न्यायालयाच्या परिसरात नवऱ्याने बायको व सासूला पिस्तुलातून गोळया झाडल्याची धक्कादायक घटना आज (मंगळवार) घडली आहे. या घटनेत प...

 

पुणेः शिरूर न्यायालयाच्या परिसरात नवऱ्याने बायको व सासूला पिस्तुलातून गोळया झाडल्याची धक्कादायक घटना आज (मंगळवार) घडली आहे. या घटनेत पत्नीचा मृत्यू झाला असून, सासू गंभीर जखमी झाली आहे.

शिरूर न्यायालयात घरगुती केसच्या संदर्भात न्यायालयात केसच्या सुनावनीसाठी आलेला दीपक ढवळे (रा. ढवळगाव, सध्या रा. अंबरनाथ (ठाणे) ता. श्रीगोंदा, जिल्हा. अहमदनगर) याने त्याचा भावाच्या मदतीने बायको व सासूवर पिस्तुलातून गोळ्या झाडल्या. या गोळीबारात पत्नीचा मृत्यू झाला आहे. सासूवर खासगी हॉस्पिटलमध्ये उपचार सुरू आहेत.

रांजणगाव पोलिस स्टेशनचे पोलिस निरीक्षक बलवंत मांडगे, पोलिस ऊपनिरीक्षक देविदास कंरडे, शुभांगी कुटे, पो. अंमलदार ब्रम्हा पवार, संतोष औटी, शिरूर पोलिस स्टेशनचे पोलिस उपनिरीक्षक अभिजीत पवार, सहाय्यक पोलिस उपनिरीक्षक नजिम पठाण, पोलिस अंमलदार रांजेंद्र गोपाळे, प्रविण पिठले, संतोष सांळुंके यांनी दोनही आरोपींना पाठलाग करून तात्काळ ताब्यात घेतले आहे. पोलिस पुढील तपास करत आहेत.